La Unuiĝintaj Nacioj lunde [20 mar 2017] urĝis la Korean Demokratian Popolan Respublikon plene plenumi siajn internaciajn devojn kaj komentis ĝian provon de novtipa raketmotoro en la lasta semajnfino.

 

Respondante la demandon pri la reago de ĝenerala sekretario de la UN al la provo en la ĉiutaga gazetara konferenco, Farhan Haq, vicproparolanto de ĝenerala sekretario de la UN, diris, “Vi vidis nian bazan zorgon pri la situacio en la Korea Demokratia Popola Respubliko kaj nian maltrankvilon pri la diversaj provoj. Ni postulas finfine, ke la Korea Demokratia Popola Respubliko plene observu rilatajn rezoluciojn de la Sekureca Konsilio, kaj ĝi bezonas sin deteni de pliaj provokoj kaj plenumi siajn internaciajn devojn.”

 

La Korea Demokratia Popola Respubliko diris, ke ĝi kondukis grundan provon de novtipa altpuŝforta raketmotoro, kiun ĝia gvidanto Kim Jong-un [김정은   kim.dzʌŋ.ɯn] nomas revolucia trarompo por la kosma programo de la lando.

 

Yu Rongkang

Ĉina Radio Internacia

esperanto.cri.cn

Advertisements