Ĉinio eldonos la esperantan version de Unesko-Kuriero

Ekde 2017 aperas la revuo Unesko-Kuriero en Esperanto, danke al laboro de S-ro Trezoro [黄银宝 Huáng Yínbǎo] kaj de granda teamo de kunlaborantoj, kun subteno de Universala Esperanto-Asocio (UEA). Nun, la Ĉina Internacia Eldona Grupo ĈIEG/CIPG China International Publishing Group) [中国国际出版集团 Zhōngguó Guójì Chūbǎn Jítuán], per la E-sekcio de El Popola Ĉinio (EPĈ), oficiale eldonos la Esperantan version de Unesko-Kuriero.

Prezidanto de ĈIEG Dù Zhànyuán [游占元] diris, ke tio plimultigos la kulturajn kunlaborojn inter ĈIEG kaj Unesko en pli vastaj kampoj. Ian Denison, ĉefo de Unesko-Kuriero pri eldonado kaj diskonigo, diris ke la eldonado de la Esperanta versio de Unesko-Kuriero perfekte respondas al la mandato de Unesko pri kultura kaj lingva diverseco kaj konformas al la daŭra kuraĝigo al instruado de Esperanto en la mondo por atingi tiun ĉi celon.

Duncan Charters, prezidanto de UEA, dankis al EPĈ pro ĝia subteno al Unesko-Kuriero. Kaj Chén Jí [陈 吉], direktoro de la E-sekcio de EPĈ, diris, ke EPĈ kunlaboros kun la esperantista teamo de UEA el dek kelkaj landoj por plenumi la tradukadon kaj eldonadon de Unesko-Kuriero laŭ postuloj de Unesko.

Se vi volontas partopreni la laboron, bonvolu sendi vian sinprezenton al 13693326472@163.com

Fonto: El Popola Ĉinio

Unu penso pri “Ĉinio eldonos la esperantan version de Unesko-Kuriero

Respondi

Entajpu viajn informojn sube aŭ alklaku piktogramon por ensaluti:

WordPress.com Logo

Vi komentas per via konto de WordPress.com. Elsaluti /  Ŝanĝi )

Google photo

Vi komentas per via konto de Google. Elsaluti /  Ŝanĝi )

Twitter picture

Vi komentas per via konto de Twitter. Elsaluti /  Ŝanĝi )

Facebook photo

Vi komentas per via konto de Facebook. Elsaluti /  Ŝanĝi )

Connecting to %s